मुख्य समाचार

१५ कार्तिक, झापा । हिजो बिहीबारदेखि सुरु भएको वर्षाका कारण मेची राजमार्ग पुनः अवरुद्ध भएको छ । गएको असोज १८ गते रातिको वर्षाका कारण मेची राजमार्गको राजदुवालीस्थित माइखोलामाथिको सडकमा पहिरो गएर अवरुद्ध भएको थियो । पहिरोमाथिनै सडक ट्याक बनाएर पुनः सडक सञ्चालन गरिए पनि वर्षाका कारण पुनः सडक अवरुद्ध भएको हो । मेची राजमार्गमा हिजो साँझ देखिनै जिल्ला प्रशासन कार्यालय इलामले यातायात बन्द गरेको थियो । यो सडकको विकल्पमा रहेको..

१० कार्तिक, झापा । दमकको रतुवा नदी किनारमा छठ पूजा घाटमा व्रतालुहरूले अस्ताउँदो सूर्यलाई अर्घ दिएका छन् । साँझको समयमा छठ घाटमा घुम्न र पुजा गर्न आउने दर्शनार्थीहरुको भिड देखिएको छ ।

९ कार्तिक, झापा । भदौ २३ र २४ गते भएको आन्दोलनमा अराजक समूहले ढालेका सुखानीका जेनजी शहिदहरुलाई उठाइएको छ । अर्जुनधारास्थित सुखानी स्मृति पार्कमा झिलमा तोडफोड गरी शहिदको शालिक ढालिएको थियो । सुखानी शहिद स्मृति प्रतिष्ठान उद्यान व्यवस्थापन समितिले डोरी लगाएर शालिक उठाएको छ । शहिदका शालिक अहिले डोरीको भरमा अढ्याइएको उद्यानका अध्यक्ष भैरव खड्काले जानकारी दिए । उनका अनुसार लढाइएका शहिदलाई दशैंअघि नै उठाइएको हो । पर्यटकीय स्थलका रुपमा..

इलाम । नेपालटार-मङ्गलबारे-गजुरमुखी-चतुरे सडकखण्डअन्तर्गत इलामको देउमाई नगरपालिका-५ र माङसेबुङ गाउँपालिका-१ जोड्ने देउमाई खोलामा अस्थायी ड्याम निर्माण गरी सवारी सञ्चालनमा ल्याइएको छ । गत असोज १८ गतेको बाढीले पक्की पुलमा क्षति पुर्‍याएपछि अवरुद्ध सडक १७ दिनपछि सोमबार दिउँसोदेखि सञ्चालनमा आएको गाउँपालिका अध्यक्ष हेमन्त राईले जानकारी दिए । सो सडकअन्तर्गत देउमाई खोलामा अस्थायी ड्याममार्फत साना सवारी सुचारु गरिएको उनले बताए । कोशी प्रदेश सरकारको सहयोगमा माङसेबुङ गाउँपालिकाले पुलको भत्केको क्षेत्रमा ड्याम निर्माणपछि..

१ कार्तिक, झापा । सरकारले झापाको हुलाकी राजमार्गमा रहेको कनकाई नदीको पुलको ठेक्का तोड्ने प्रक्रिया अघि बढाएको छ । ठेक्का सम्झौता गरी काम नगरेर वर्षाैंदेखि अलपत्र पारिएका रुग्ण ठेक्का तोड्ने प्रक्रिया सुरु भएको हो । ठेक्का सम्झौता तोड्न लागिएकोमा सबैभन्दा ठुलो झापाको कनकाई पुलको हो । हुलाकी राजमार्ग निर्देशनालयअन्तर्गत १४ वर्षदेखि अलपत्र पारिएको झापा गाउँपालिका–२ र गौरीगञ्ज गाउँपालिका–१ जोड्ने करिब ७२३ मिटर लामो कनकाई पुलको ठेक्का तोड्ने प्रक्रिया अगाडि बढेको..

इलाम ।  गएको असोज १८ गतेको अविरल वर्षा र बाढीले ठूलो जनधन र भौतिक क्षति बेहोरेको इलाममा प्रमुख जिल्ला अधिकारी सुनिता नेपालले आफ्नै एक महिनाको तलब जिल्ला स्तरीय राहत कोषमा जम्मा गरेकी छिन् । बाढी र पहिरोले प्रभावित इलामलाई पुनर्निर्माणमा सघाउन तथा “गुमेको मुस्कानलाई पुरानै लयमा फर्काउन” योगदान दिने उद्देश्यले उनले उक्त रकम आज (बुधबार) जिल्ला राहत कोषको बैंक खातामा जम्मा गरेकी हुन्। नेपालले भनिन्, “इलाम अहिले घाइते छ, तर..

इलाम । मेची राजमार्गको विकल्पका रुपमा तिल्केनी–सिमलगोलाई सडकखण्ड १२ दिनपछि सञ्चालनमा आएको छ । सो सडकखण्ड अन्तर्गत माइजोगमाई गाउँपालिका–४ नामसालिङ र इलाम नगरपालिका–१० गोदक जोड्ने जोगमाई खोलामा अस्थायी डाइभर्सन निर्माण गरेसँगै यो सडक सञ्चालनमा आएको हो । उक्त सडकमार्फत बुधबार साँझदेखि साना सवारीसाधन सञ्चालन सुरु भएको सडक डिभिजन इलामका प्रमुख पवन भट्टराईले बताए । ‘ह्युमपाइप र हाइड्रो पावरको टेलरेस्ट विच्छ्याएर जोगमाई खोलामा अस्थायी डाइभर्सन निर्माण गरिएको छ,’ उनले भने, ‘आज..

इलाम । भौतिक योजना तथा पुनर्निर्माणमन्त्री कुलमान घिसिङले इलामका बाढीपीडितहरूको अवस्था बुझ्दै भोलिसम्म सडक सञ्चालन गर्न सम्बन्धित निकायलाई निर्देशन दिएका छन् । इलाम नगरपालिका–१० राजदुवाली पुगेर मन्त्री घिसिङले बाढी प्रभावित क्षेत्रको अवलोकन गर्दै तत्काल सडक खुलाउन र विद्युत् आपूर्ति गर्न निर्देशन दिएका हुन् । मेची राजमार्गअन्तर्गतको राजदुवाली खण्ड अहिलेसम्म अवरुद्ध छ। मिल गोलाइ भने सञ्चालन भइसकेको छ । शनिबार इलाम नगरपालिका–१० राजदुवाली पुगेर मन्त्री घिसिङले बाढीले प्रभावित क्षेत्रको अवलोकन गर्दै..

काठमाडौँ । भदौ २३ गते भ्रष्टाचार र बेथितिविरुद्ध आन्दोलित जेनजी समूहभित्र अहिलेको परिस्थितिबाट देशलाई निकास दिने रोडम्यापबारे मतैक्यता देखिएको छैन । आन्दोलन सफल भएर अन्तरिम सरकार गठन र प्रतिनिधि सभा निर्वाचनको घोषणा भइसकेको अवस्थामा जेनजीभित्र विभिन्न समूह फरक–फरक रोडम्यापसहित अघि बढ्न खोजेको देखिन्छ । जेनजी प्रतिनिधिको रूपमा पछिल्लो समय देखा परेका अनुहारमध्ये कतिपयले यही संविधान अनुसार हुने निर्वाचनले जेनजी पुस्ताको माग र आकाङ्क्षा सम्बोधन नगर्ने तर्क गरिरहेका छन् भने कतिपयले..

विराटनगर । कोशी प्रदेश सरकारले सबैभन्दा बढी जनधनको क्षति भएको जिल्ला इलाममा राहत सामग्री पठाएको छ । पहिरोबाट विस्थापित परिवारका लागि अत्यावश्यक सामग्रीहरू तत्कालका लागि हेलिकप्टरमार्फत प्रदेश सरकारले पठाएको हो । जिल्लाको माङसेबुङ गाउँपालिका र इलाम नगरपालिकामा पहिलो चरणमा राहत सामग्री पठाएको हो । विस्थापित परिवारको तथ्यांक संकलन भइरहेकाले क्रमिक रूपमा राहत सामग्री पठाउने प्रदेश सरकारले जनाएको छ । यातायात अवरूद्ध हुँदा सबै ठाउँका प्रभावितहरूको तथ्यांक संकलन गर्न बिलम्व भइरहेको..