२१ भाद्र, सुनसरी । सुनसरी जिल्लाको विभिन्न क्षेत्रमा खटिएका ९७ जना नेपाल प्रहरीहरूलाई कोरोना सङ्क्रमण पुष्टि भएपछि टेलिफोन र अनलाइनबाट सेवा प्रवाह गरिरहेको जिल्ला प्रहरी कार्यालय सुनसरीले जनाएको छ ।
कार्यस्थलमा खटिएका प्रहरीलाई नै कोरोनाको सङ्क्रमण भएपछि जिल्ला प्रहरी कार्यालयमा गम्भीर प्रकृतिका मुद्दा बाहेकका सेवा प्रवाह रोकिएको छ ।
प्रहरीको हिरासतमा रहेको अभियुक्त तथा र चमेना गृह संञ्चालन गरीरहेका व्यक्तिमा समेत कोरोना सङ्क्रमण पुष्टि भएपछि गम्भीर प्रकृतिका मुद्दा बाहेकका सेवा रोकिएको सुनसरी प्रहरी प्रमुख कमल थापाले जानकारी दिनुभयो ।
थापाले भन्नुभयो–‘समाजमा आघात पुग्ने गम्भिर प्रकृतिका केसहरू लिन्छौ तर सामान्य झैँ–झगडा तथा छलफलबाट समाधान हुनसक्ने केसहरू लिएका छैनौँ ।’ टेलिफोन र अनलाइनबाट पनि प्रहरीले सेवा प्रवाह गरिरहेकाले केही केशहरु त्यहीबाट पनि लिन सकिने भएकाले सकेसम्म कार्यालयमा नआउन आग्रह उहाँले गर्नुभयो ।
कोरोना सङ्क्रमण भएका प्रहरीहरू आइसोलेसनमा रहेका छन् । हालसम्म सुनसरीमा ९७ जना प्रहरीहरूलाई कोरोना सङ्क्रमणको पुष्टि भएको छ ।
सूचना विभाग दर्ता नंः १८२३/०७६-७७