२१ श्रावण, सुनसरी । सुनसरीको धरानमा आज राति १२ बजेबाट लागु हुनेगरी एक साताका लागि लकडाउन हुने भएको छ ।
आज बसेको धरान उपमहानगरपालिकाको बैठकले समुदायमा संक्रमण फैलिएको निश्कर्ष निकाल्दै एक साता लकडाउन गर्ने निर्णय गरेको प्रमुख तिलक राईले जानकारी दिनुभयो ।
उहाँले जनस्वास्थ्यविद्हरुसँग छलफल गर्दा पनि उनीहरूले एक साता लकडाउन गरेर परिस्थिति अनुसार अघि बढ्न सुझाएको बताउनुभयो ।
योसँगै आज मध्यरातबाट धरानमा अत्यावश्यक बाहेक सबै सेवा बन्द हुनेछ ।
सूचना विभाग दर्ता नंः १८२३/०७६-७७