२६ जेठ । प्रतिवन्धित लागुऔषधसहित दमकबाट एकजना महिलालाई प्रहरीले पक्राउ गरेको छ । पक्राउ पर्नेमा दमक–४ बस्ने ४८ वर्षीया गायत्रा गौतम रहेकी छन् ।
उनलाई लागुऔषध बिक्री वितरण गरिरहेको भन्ने गोप्य सूचनाको आधारमा लागुऔषध नियन्त्रण ब्युरो काँकरभिट्टा र इलाका प्रहरी कार्यालय दमकको प्रहरी टोलीले उनलाई पक्राउ गरेको हो ।
जिल्ला प्रहरी कार्यालय झापाका प्रवक्ता कृष्णकुमार चन्दका अनुसार गौतमको शरीर तथा घरकोठाहरु खानतलासी लिँदा उनले बट्टाभित्र लुकाई राखेको प्रतिबन्धित लागुऔषध खैरोहिरोइन ९ ग्राम ५३० मिलिग्राम बरामद गरिएको थियो ।
प्रहरीले सो घटनाका बारे थप अनुसन्धान गरिरहेको जनाएको छ ।
सूचना विभाग दर्ता नंः १८२३/०७६-७७