काठमाडौँ महानगरका निजी विद्यालयमा डेढ लाख विद्यार्थी भर्ना

काठमाडौँ महानगरका निजी विद्यालयमा डेढ लाख विद्यार्थी भर्ना

२४ जेठ । यस शैक्षिक सत्रमा काठमाडौँ महानगरका निजी विद्यालयमा करिब डेढ लाख विद्यार्थी भर्ना भएका छन् । काठमाडौँ महानगरले दिएको जानकारी अनुसार १ लाख ४९ हजार ९५६ विद्यार्थी भर्ना भएका मध्ये १८ हजार ४२२ जनाले छात्रवृत्ति पाएका छन्।

काठमाडौँ महानगरपालिकाका प्रमुख बालेन्द्र शाहले कानुनको पालना मात्र  गराउँदा करिब २ अर्ब बराबरको छात्रवृत्ति उपलब्ध भएको भन्दै खुसी व्यक्त गरेका छन् । उनले भनेका छन्– ‘हामीले विद्यमान कानुन को कार्यान्वयन गर्दा मात्रै लक्षित वर्गका विद्यार्थीहरुलाई  करिब २ अर्ब बराबर को छात्रवृत्ति उपलब्ध गराउन सफल भयौँ। प्राप्त भएको विवरणको हामी अनुगमन गर्नेछौ , फरक पाइएमा कानुन बमोजिम कारबाही हुनेछ।  हाल सम्म विवरण नबुझाउने विद्यालयलाई ३ दिन को समय दिई विवरण पेस गर्नका लागि सार्वजनिक सूचना प्रकाशन गरेका छौ। ‘

३ दिन भित्र विवरण पेस नगर्ने विद्यालयहरू बन्द विद्यालयको रूपमा बुझी काठमाडौँ महानगरपालिका शिक्षा ऐन, २०७५ बमोजिम विद्यालयलाई प्रदान गरिएको अनुमति वा स्वीकृति रद्द गर्ने गरी कारबाही गर्ने उनले बताए ।

प्रतिक्रिया:

सम्बन्धित खवर