१४ जेष्ठ, विराटनगर रेडियो सञ्चालकहरुको सङ्गठन ब्रोडकास्टिङ एसोसिएशन अफ नेपाल (बान)का अध्यक्ष चन्द्र न्यौपानेको आज बिहान निधन भएको छ । कोरोना सङ्क्रमणका कारण उहाँको ५० वर्षको उमेरमा निधन भएको हो ।
न्यौपानेको विराटनगरस्थित विराट मेडिकल कलेजमा उपचार भइरहेकोमा आज मृत्यु भएको नेपाल पत्रकार महासंघ सुनसरीका अध्यक्ष जनकऋषि राईले जानकारी दिनुभयो ।
न्यौपाने इटहरीको सप्तकोसी एफएमका स्टेशन म्यानेजर तथा विज्ञापन बोर्डका सदस्य समेत हुनुहुन्थ्यो ।
कोरोना सङक्रमण पुष्टि भएपछि न्यौपानेलाई वैशाख २८ गते बेलुका विराट मेडिकल कलेजमा भर्ना गरिएको थियो । अवस्था जटिल भएपछि भेण्टिलेटरमा राखेर उहाँको उपचार गरिएको थियो ।
सूचना विभाग दर्ता नंः १८२३/०७६-७७