२१ मंसिर, विराटनगर । प्रदेश–१ प्रहरी कार्यालय बिराटनगरको आयोजनामा शनिबार अन्तर जिल्ला सुरक्षा समन्वय सम्वन्धी सम्पन्न बैठकले सीमा अपराधमा गम्भीर बन्ने निर्णय गरेको छ ।
बैठकले सीमा सुरक्षालाई व्यवस्थित तथा प्रभावकारी बनाउने, अन्तर जिल्ला सुरक्षालाई प्रभावकारी बनाई समन्वयात्मक ढङ्गले अगाडी बढ्ने र सीमा क्षेत्रहरुमा हुने गैर कानुनी क्रियाकलापहरूलाई तीन वटै जिल्लाहरूको समन्वयमा प्रभावकारी रूपमा नियन्त्रण गर्ने विषयहरुमा सहभागीहरु बिच छलफल भएको थियो । बैठकमा प्रमुख जिल्ला अधिकारीहरु १ नं प्रदेश प्रहरी प्रमुख, सशस्त्र प्रहरी बल १ नं बराह बाहिनीका निमित्त प्रमुख तथा संघिय प्रहरी ईकाई कार्यालय धरानका प्रमुखले आ–आफ्नो धारणा समेत राख्नु भएको थियो ।
बैठकमा झापा, मोरङ र सुनसरी जिल्लाका प्रमुख जिल्ला अधिकारीहरु, नेपाल प्रहरी तथा शसस्त्र प्रहरी बल नेपालका जिल्ला प्रमुखहरुको उपस्थिति रहेको थियो ।
सूचना विभाग दर्ता नंः १८२३/०७६-७७