२१ वैशाख, हेटौडा । उदयपुर घर भएकै कारण विरामीको उपचार गर्न नमान्ने विराटनगरको नोबेल अस्पताललाई कारबाही गर्न उदयपुरका जनप्रतितिनिधिले माग गरेका छन् ।
आज बिहान जिल्ला सदरमुकाम गाईघाटमा पत्रकार सम्मेलन गर्दै प्रदेशसभा सदस्यहरु विमल कार्की, नारायण बुर्जा मगर तथा त्रियुगा नगरपालिकाका मेयर बलदेव चौधरीले संयुक्त रुपमा विज्ञप्ति जारी गर्दे नोबेल अस्पतालमाथी कार्वाहीको माग गर्नुभएको हो ।
केही दिन अघिमात्र उदयपुरको त्रियुगा–११ की २९ वर्षिया सरस्वती रौनियार प्रसुति गराउन नोबेल अस्पतालमा भर्ना भएकी थिईन् । तर उदयपुर घर भएकै कारण उनलाई त्यसको केही समयमै अपरेशन थिएटरबाट निकालिएको समाचार सार्वजनिक भएको थियो । यस घटनाको भत्र्सना गर्दे उदयपुरका जनप्रतिनिधीहरुले त्यसको छानबिन गरी कारबाही गर्न माग गरेका हुन् ।
नगर प्रमुख चौधरीले जुनसुकै किसिमको अवस्थामा पनि स्वास्थ्य सेवा प्राप्त गर्नु नागरिकको नैसर्गिक र संविधान प्रदत्त अधिकार भएको भन्दै नोबेल अस्पतालले उदयपुरबासी विरुद्ध घृणा फैलाएकोले कार्वाही हुनुपर्ने बताउनुभयो ।
सूचना विभाग दर्ता नंः १८२३/०७६-७७