। आउँदो फागुन २१ मा हुने प्रतिनिधिसभा निर्वाचनका लागि इलाममा २ लाख ३१ हजार ८ सय ९ मतदाता संख्या कायम भएको छ ।
निर्वाचनका लागि १ लाख १२ हजार १ सय ५८ महिला, १ लाख १९ हजार ६ सय ४८ पुरुष र अन्य ३ को मतदाता नामावली कायम भएको जिल्ला निर्वाचन कार्यालय इलामले जनाएको छ । आगामी निर्वाचनका लागि जिल्लामा १ सय ५० मतदानस्थल र २ सय ९० मतदान केन्द्र छन् ।
गत निर्वाचनमा भन्दा आउँदो निर्वाचनका लागि ५ मतदान केन्द्र थप गरिएको निर्वाचन कार्यालयका सूचना अधिकारी कृष्ण लिम्बूले जानकारी दिए । लिम्बूका अनुसार यसपटक सूर्याेदय नगरपालिका–१२, करफोक मावि, इलाम नगरपालिका–८ को विद्या सिर्जनात्मक मावि, चुलाचुली २ को जनता मावि, देउमाईको डम्बरदेवी मावि र माइजोगमाई–५ को सिरिसे माविमा १–१ गरी ५ मतदान केन्द्र थप भएको छ ।
‘अहिले अस्थायी मतदाताको नामवली सङ्कलन र निर्वाचनका लागि आवश्यक कर्मचारी विवरण कार्यालयसँग माग गरिएको छ,’ लिम्बूले भने, ‘अस्थायी मतदाताका रूपमा रहने कैदीबन्दी, नेपाल प्रहरी, नेपाली सेना, सशस्त्र प्रहरी, निर्वाचनमा खटिने कर्मचारीको विवरण सङ्कलन हुनेछ ।’
सूचना विभाग दर्ता नंः १८२३/०७६-७७