१४ भदौ, झापा । नजिकिएको चाडपर्वलाई लक्षित गरि झापाको दमक बजार अब देखी साता भर नै खुल्ला रहने हुने भएको छ ।
नेपालीहरुको महान चाड दशै, तिहार, छैठ लगायतका सांस्कृतिक चाडपर्वमा उपभोक्ताहरुलाई सहजता उपलव्ध गराउन बजार खुला राख्ने निर्णय भएको दमक उद्योग वाणिज्य संघले जनाएको छ ।
संघले विहिबार सूचना निकालेर भोलिदेखि दशै, तिहार, छैठसम्मका चाडपर्व भरि दमक वजार खुला रहने उल्लेख गरेको छ ।
यसअघि भने दमकमा साताका एक दिन शुक्रवार वजार बन्द हुदैआएको थियो । चाडपर्वका समयमा उपभोक्ताहरुलाई आवश्यक सामागीहरु किनमेल गर्न सहज भन्ने ध्येयले अघिल्ला बर्षझै यसवर्ष पनि चाडपर्व भरि वजार खुला राख्ने निर्णय भएको संघका कार्यालय प्रमुख निरज विष्टले बताउनुभयो ।
सूचना विभाग दर्ता नंः १८२३/०७६-७७