१९ वैशाख, काठमाण्डौँ । लुम्बिनी प्रदेशको मुख्यमन्त्रीमा शंकर पोखरेल पुनः नियुक्त हुनुभएको छ । प्रदेश प्रमुख धर्मनाथ यादवले उहाँलाई मुख्यमन्त्रीमा नियुक्त गर्नुभएको हो ।
एकल बहुमतको आधारमा उहाँलाई मुख्यमन्त्री नियुक्त गरिएको पत्र दिइएको छ । पत्रमा संविधानको धारा १६८ को उपधारा १ बमोजिम नियुक्त गरिएको उल्लेख छ ।
उक्त धारमा प्रदेश प्रमुखले प्रदेश सभामा बहुमत प्राप्त संसदीय दलको नेतालाई मुख्यमन्त्री नियुक्त गर्ने र निजको अध्यक्षतामा प्रदेश मन्त्रिपरिषदको गठन हुने व्यवस्था उल्लेख छ ।
आज विहान नै पोखरेलले मुख्यमन्त्रीबाट राजीनामा दिनुभएको थियो ।
एकल बहुमत दाबी गरेपनि पोखरेलको पक्षकी सांसद बिमला वलीले एमाले परित्याग गर्नुभएको छ । उहाँ माओवादी केन्द्रमा पुगेपछि एमालेसँग ४० सिट मात्र रहेको छ ।
सूचना विभाग दर्ता नंः १८२३/०७६-७७