जारी विज्ञप्तिमा भनिएको छ, ‘नेपाल कम्युनिष्ट पार्टी (नेकपा) को २०७७ कार्तिक १५ देखि १७ गते आयोजना गरिएको केन्द्रीय कमिटीको तेस्रो बैठक कोभिड–१९ महामारीको बढ्दो प्रकोपका कारण हाललाई स्थगित गरिएको छ, स्थगित बैठक यही २०७७ मङ्सिर १५ देखि १७ गते आयोजना गरिनेछ ।
महासचिव विष्णु पौडेलले पार्टीका दुवै अध्यक्षसँग छुट्टाछुट्टै परामर्श गरेका थिए । प्रधानमन्त्री तथा अध्यक्ष केपी शर्मा ओलीसँग मंगलबार र अर्का अध्यक्ष पुष्पकमल दाहाल ‘प्रचण्ड’सँग बुधबार परामर्श गरेपछि दुवै अध्यक्षको सुझाव अनुसार बैठक स्थगित भएको हुनसक्ने केन्द्रीय सदस्यहरुको बुझाई छ । (गोरखापत्र)
सूचना विभाग दर्ता नंः १८२३/०७६-७७