१३ वैशाख, काठमाडौं । कोभिड १९ संक्रमण रोकथाम तथा नियन्त्रण उच्चस्तरीय समन्वय समितिले आन्तरिक तथा वाह्य उडानहरु थप १५ दिनका लागि बन्द गर्ने निर्णय गरेको छ ।
शनिबार(आज) बसेको समन्वय समितिको बैठकले आन्तरिक तथा वाह्य उडानहरु मे १५ तारिख अर्थात जेष्ठ २ गतेसम्मका लागि बन्द गर्ने निर्णय गरेको हो । यसअघि अप्रिल ३० सम्मका लागि उडानहरु बन्द निर्णय भएको थियो । समन्वय समितिले उडानहरुको सम्वन्धमा निर्णय गरेपनि लक डाउनको विषयमा भने कुनै निर्णय नगरेको प्रधानमन्त्री तथा मन्त्रिपरिषद् कार्यालयका सचिव नारायण प्रसाद विडारीले जानकारी दिनुभयो ।
लक डाउनको प्रभाव, कोरोना रोकथाम तथा नियन्त्रणका लागि अहिलेसम्म भएका प्रयासहरुको विषयमा बैठकमा समिक्षा भएपनि समय थप्ने वा स्वरुप परिवर्तन गर्ने भन्ने विषयमा केही निर्णय नभएको उहाँले बताउनुभयो । सचिव विडारीका अनुसार लकडाउन सम्बन्धी विषयमा भोली बस्ने मन्त्रिपरिषद्को बैठकले निर्णय गर्ने छ ।
सूचना विभाग दर्ता नंः १८२३/०७६-७७