९ बैशाख, काठमाडौं । प्रमुख प्रतिपक्षी दल नेपाली काँग्रेसले सरकारले गरेको पछिल्ला निर्णय फिर्ता लिन माग गरेको छ । संकटको घडीमा कोरोनासँग लड्न सरकारलाई प्रतिपक्षी दलले समेत सम्पूर्ण सहयोग गरिरहेको अवस्थामा नियोजित ढंगले निर्णय गरिनु दुःखद भएको भन्दै काँग्रेसले आपत्ति जनाएको हो ।
मंगलबार(आज) विहान पार्टी सभापति शेरबहादुर देउवा निवास बूढानीलकण्ठमा बसेको पदाधिकारी बैठकले निर्णय लिन माग गरेको सह–महामन्त्री प्रकाशशरण महतले जानकारी दिनुभयो ।
बैठकमा सभापति देउवा, उपससभापतिद्वय विमलेन्द्र निधि र विजयकुमार गच्छदार, महामन्त्रीद्वय डा.शशांक कोइराला र पूर्णबहादुर खड्का, सहमहामन्त्री डा. प्रकाशशरण महत, वरिष्ठ नेता रामचन्द्र पौडेल, पूर्व महामन्त्रीद्वय प्रकाशमान सिंह, कृष्णप्रसाद सिटौला, संगठन विभाग प्रमुख गोपालमान श्रेष्ठ, प्रवक्ता विश्वप्रकाश शर्मा र मुख्यसचिव पौडेल लगायतको उपस्थित रहेको थियो ।
सूचना विभाग दर्ता नंः १८२३/०७६-७७