१० श्रावण, इलाम। सन्दकपुर गाउँपालिकाले पत्रकारिता तथा वृतचित्र निर्माण गरी प्रचारपसारमा महत्वपुर्ण योगदान दिएको भन्दै इलामका कृयशिल पत्रकार सुजन तिमसिनालाई सम्मान गरेको छ ।
नेपाल टेलिभिजनका इलाम सम्वाददाता समेत रहेका तिमसिनालाई निति कार्यक्रम तथा बजेट सार्वजनिक समारोहमा नगद १० हजार रुपँैया सहित सम्मान पत्रले सम्मान गरिएको हो ।
गत आर्थिक बर्ष २०७५/०७६ मा तिमसिनाको निर्देशनमा बनेको सन्दकपुर गाउँपालिकाको वृतचित्रले ‘विइ विल राइज फाउन्डेसन’को प्रतियोगितामा ‘मस्ट पोटेन्सियल डेस्टिनेशन अवार्ड’ पाउन सफल भएको थियो ।
त्यसैगरी १३औ दक्षिण एसियाली खेलकुद (साग) मा स्वर्ण पदक बिजेता खेलाडी छिरिङ गुरुङ र कास्य बिजेता बिजय बुर्जालाई गाउँपालिकाले नगद सहित सम्मान गरेको छ । सन्दकपुर गाउँपालिका–५ जमुना निवासी नेपाली पुरुष फुटबल टोलीका डिफेन्डर छिरिङलाई ५० हजार र वडा नं ३ सुलुबुङका बुर्जालाई २० हजार सहित सम्मानपत्र प्रदान गरिएको हो ।
सन्दकपुर गाउँपालिकाको निति तथा कार्यक्रम सार्वजनिक समारोहका प्रमुख अतिथी जिल्ला समन्वय समितिका प्रमुख गणेश बरालले सम्मानित हुनेहरुलाई नगद सहित खदा र सम्मानपत्र प्रदान गर्नुभएको थियो ।
सूचना विभाग दर्ता नंः १८२३/०७६-७७