२४ जेठ, इलाम । इलामको चुलाचुली गाउँपालिका ३ स्थित ऐना पोखरीमा पौडी खेल्ने क्रममा एकको मृत्यु भएको छ ।
पर्यटकिय स्थल ऐना पोखरीमा पौडी खेल्ने क्रममा चुलाचुली ४ निवासी १८ वर्षीय बिनिता जोगिको मृत्यु भएको हो भने संगै पौडी खेल्ने २ जना अस्पतालमा उपचाररत रहेका छन ।
मृतक जोगि सहित अन्य २ जना महिला पौडि खेलिसकेर फर्कने क्रममा करिब दिउँसो १२ बजे जोगिको खुट्टा चिप्लिएर पोखरिमा पसेकि थिइन । साथमा रहेका साथीहरुले उनलाई निकाल्न समेत प्रयास गरेका थिए ।
मृतकलाई पोखरीको पानी सुकाएर बाहिर निकालिएको हो । बिनिता हालसालै स्थानिय बालज्योती मा.बि. बाट ११ को परीक्षा दिएर बसेकी थिइन ।
मृतकको शवलाई पोस्टमार्टमको लागि दमक लगिएको प्रहरी चौकी पेल्टिमारीले जानकारी दिएको छ ।
सूचना विभाग दर्ता नंः १८२३/०७६-७७