१७ मंसिर, विराटनगर । कोशीका मुख्यमन्त्री केदार कार्कीले मन्त्रीहरुलाई जिम्मेवारी दिएका छन् । आज मुख्यमन्त्री कार्कीले कांग्रेसबाट मन्त्री बनेका शमशेर राईलाई आन्तरिक मामिला तथा कानुन, माअेवादी केन्द्रबाट मन्त्री बनेका गणेश प्रसाद उप्रेतीलाई पर्यटन, वन तथा वातावरण र एकीकृत समाजवादीबाट मन्त्री बनेका कमल प्रसाद जबेगुलाई भौतिक पूर्वाधार तथा यातायात मन्त्रालयका जिम्मेवारी दिएका हुन् ।
आर्थिक मामिला तथा योजना मन्त्रालय, उद्योग, कृषि तथा सहकारी मन्त्रालय, खानेपानी, सिँचाइ तथा ऊर्जा मन्त्रालय, सामाजिक विकास मन्त्रालय र स्वास्थ्य मन्त्रालयको जिम्मेवारी भने मुख्यमन्त्री कार्कीले आफैैंसँग राखेका छन् ।
नेकपा एमालेका सांसदहरुको समर्थनमा मुख्यमन्त्री बनेका कार्कीले गठबन्धनका सांसदहरुलाई मन्त्री बनाएपछि एमाले सरकारबाट बाहिरिएको थियो । सरकारगठन भएर मन्त्री नियुक्त भएको दुई महिना पछिमात्र आज मन्त्रीहरुलाई जिम्मेवारी दिईएको हो ।
सूचना विभाग दर्ता नंः १८२३/०७६-७७