२७ चैत्र, काठमाण्डौँ । सत्ता समीकरणका लागि नेपाली काँग्रेस, माओवादी केन्द्र र जसपाबीच आज छलफल हुँदै छ । कांग्रेस सभापति शेरबहादुर देउवाले माओवादी केन्द्र र जनता समाजवादी (जसपा)लाई छलफलका लागि बोलाउनुभएको हो ।
देउवाले आज ३ बजे आफ्नो निवास बूढानीलकण्ठमा माओवादी केन्द्र र (जसपा)को बैठक बोलाएको उहाँका स्वकीय सचिव भानु देउवाले जानकारी दिनुभयो ।
माओवादी र जसपा सँगको छलफलमा पार्टीका शीर्षस्थ नेतालाई पनि बोलाइएको छ । शुक्रबार बसेको पार्टी केन्द्रीय कार्यसमितिले नयाँ सरकार गठनका लागि पहल गर्ने निर्णय गरेको थियो । त्यसको ठीक एक सातापछि शुक्रबार देउवाले माओवादी केन्द्र र जसपालाई छलफल गर्न लाग्नुभएको हो ।
सूचना विभाग दर्ता नंः १८२३/०७६-७७