२९ भाद्र, काठमाण्डौँ । मन्त्रिपरिषदको बैठक आज साँझ ५ बजेका लागि तय गरिएको छ । स्रोतका अनुसार आजको बैठकले नेपाल विद्युत प्राधिकरणको कार्यकारी निर्देशकबारे टुंगो लगाउने छ ।
प्राधिकरणका हालका कार्यकारी निर्देशक कुलमान घिसिङको चार बर्षे कार्यकाल सकिएको छ । आज उहाँलाई पुनः नियुक्ति दिने या नदिनेबारे टुंगो लाग्नेछ ।
घिसिङको समय सकिएपछि मात्र क्याबिनेट बैठक डाकिनुलाई अर्थपूर्ण मानिएको छ । स्रोतका अनुसार प्रधानमन्त्री केपी शर्मा ओली घिसिङको निरन्तरताको पक्षमा छैनन् । उहाँ अर्काे व्यक्तिलाई कार्यकारी निर्देशक बनाउने पक्षमा हुनुहुन्छ ।
आज ठाडो निर्णयबाट प्रधानमन्त्रीले कार्यकारी निर्देशक बनाउनसक्ने चर्चा पनि छ । प्रक्रियामा गएर प्रतिष्पर्धाबाट बनाउने गरी हाललाई कायममुकायम अरु कसैलाई दिने सम्भावना पनि छ ।
यसैगरी, बामदेव गौतमबारे पनि आज टुंगो लाग्ने सौतको भनाई छ । गौतमलाई राष्ट्रियसभामा लान राष्ट्रपति समक्ष सिफारिश गर्ने निर्णय हुने बुझिएको छ ।
सूचना विभाग दर्ता नंः १८२३/०७६-७७