१४ भाद्र, काठमाण्डौँ । पछिल्लो २४ घण्टामा देशभर ३४८ महिला र ८७३ पुरुष गरी जम्मा १२२१ जनामा कोरोना संक्रमण पुष्टि भएको छ ।
स्वास्थ्य मन्त्रालयका प्रवक्ता डा. जागेश्वर गौतमले आइतबारको नियमित प्रेस ब्रिफिङमा सो जानकारी दिनुभएको हो । यससँगै देशभर कोरोना संक्रमितको कुल संख्या ३८,५६१ पुगेको छ ।
यस्तै आज कोरोना भाइरसको संक्रमणबाट १४ जनाको मृत्यु पुष्टि भएको छ । यो अहिलेसम्म एकै दिन मृत्यु पुष्टि भएको सर्वाधिक संख्या हो ।
आज मृत्यु हुनेहरुमा ४ जना महिला र १० जना पुरुष छन् । योसँगै कुल मृतकको संख्या २ सय २१ पुगेको छ ।
सूचना विभाग दर्ता नंः १८२३/०७६-७७