१४ भाद्र, झापा । सुनसरीको धरान उपमहानगरपालिकामा कोरोना संक्रमणले आमाछोराको एकै दिन मृत्यु भएको छ ।
स्वास्थ्यमा समस्या देखिएपछि हिजो धरानस्थित बी.पी.कोइराला स्वास्थ्य विज्ञान प्रतिष्ठानमा भर्ना भएकी धरान–१७ की ७४ वर्षीया आमा र उनका ६० वर्षीय छोराको आज बिहान मृत्यु भएको हो ।
आमाको बिहान ८ः३० र छोराको ७ः४५ बजे मृत्यु भएको प्रतिष्ठानले विज्ञप्तिमार्फत जानकारी दिएको छ ।
आमाछोरा नै मधुमेह र उच्च रक्तचापको समस्या र अत्यधिक खोकी, श्वासप्रश्वासमा समस्या र ज्यरोले च्यापेपछि हिजो साँझमात्रै प्रतिष्ठानमा भर्ना भएका थिए ।