४ भाद्र, विराटनगर । कोरोना संक्रमितलाई उपचारका लागि प्रदेश–१ कोभिड–१९ उपचार केन्द्र विराटनगरमा भेन्टिलेटरसहितको स्वास्थ्य सेवा सुरु गरिएको छ ।
कोभिड–१९ उपचार केन्द्र विराटनगरमा पाँच बेडको भेन्टिलेटर जडान गरिएको छ । कडा लक्षण सहितका कोरोना संक्रमितको संख्या बढेसँगै अस्पतालमा १० बेडको आईसीयूसहित भेन्टिलेटर सुविधा जडान गरिएको हो ।
अस्पतालमा दुई वटा स्थायी रुपमा र तीन वटा पोर्टेवल भेन्टिलेटर जडान गरिएको सामाजिक विकास मन्त्रालयका सचिव गोबिन्दबहादुर कार्कीले आज पत्रकार सम्मेलनमा जानकारी दिनुभयो ।
कोशी कोभिड–१९ उपचार केन्द्रमा हाल तीन जना विरामी आईसीयूमा उपचाररत रहेको अस्पतालका इन्चार्ज डा.दिपक सिग्देलले जानकारी दिनुभयो ।
सूचना विभाग दर्ता नंः १८२३/०७६-७७