१६ श्रावण, इलाम । इलाम सदरमुकाममा कार्यरत थप पाँच जना शसस्त्र प्रहरी जवानमा आज कोरोना संक्रमण देखिएको छ ।
सदरमुकाम स्थित सशस्त्र प्रहरीको १ नम्बर गणका पाँच जना सशस्त्र प्रहरी जवानमा संक्रमण पुष्टि भएको स्वास्थ्य कार्यालय इलामका फोकल पर्सन बिमल बरालले बताउनुभयो ।
गत श्रावण ११ गते १ नम्बर गणका ३२ जना सशस्त्र प्रहरी जवानको पिसिआर परिक्षणका लागि स्वाब संकलन गरिएको थियो । त्यसमा ५ जनाको रिपोर्ट पोजेटिभ आएको बरालले बताउनुभयो ।
इलाममा कोरोना संक्रमित सशस्त्र प्रहरीको संख्या १० पुगेको छ ।
हालसम्म इलाममा संक्रमितको संख्या ४० पुगेको छ ।
सूचना विभाग दर्ता नंः १८२३/०७६-७७