२ आश्विन, सोलुखुम्ब । सोलुखुम्बुको खुम्बु पासाङल्हमू गाउँपालिकाका अध्यक्ष निमदोर्जी शेर्पाको निधन भएको छ । विगत एक बर्ष देखि क्यान्सर रोगबाट पिडित शेर्पाको आज बिहान आफ्नौ घरमा निधन भएको हो ।
पेटको आमासयमा रहने सानो आन्द्रामा क्यान्सर भएपछि उहाँ लामो समयदेखि विरामी हुनुहुन्थ्यो । पछिल्लो केही समययता हलचल समेत गर्न नसक्ने अवस्थामा पुगेपछि शेर्पालाई घरमा ल्याइएको परिवार स्रोतले बताएको छ ।
काठमाडौँको ह्याम्स अस्पतालमा उपचार गराईरहेका शेर्पाको स्वास्थ्यमा सुधार नआएपछि जन्मस्थल लुक्ला ल्याएको थियो ।
ह्याम्स अस्पतालमा केमो थेरापी गराइएको थियो । स्वास्थ्य अवस्थामा सुधार आउने अवस्था नदेखिएपछि चिकित्सकले नै घर लैजान सुझाव दिएका थिए ।
रोगले गाँज्दै लगेपछि शेर्पा थप उपचारका लागि दश महिना पहिले भारतको मेतान्द अस्पतालमा समेत भर्ना हुनुभएको थियो । त्यहाँ उहाँको दुई महिनासम्म रेडियो थेरापी गरिएको थियो । त्यसपछि काठमाडौँ फर्किएर शेर्पाले ह्याम्स अस्पतालमा नियमित उपचार गराउँदै आउनुभएको थियो ।
३९ वर्षिय शेर्पा खुम्बुक्षेत्रका नागरीक र शेर्पा समूदाय माझ निकै लोकप्रिय हुनुहुन्थ्यो ।
उहाँ तत्कालिन नेकपा एमालेका तर्फबाट गाउँपालिका अध्यक्षमा निर्वाचित हुनुभएको थियो ।
सूचना विभाग दर्ता नंः १८२३/०७६-७७