२३ जेष्ठ, काठमाण्डौँ । लकडाउनपछि पहिलो पटक औपचारिक रूपमा नेपालीहरू स्वदेश फिर्ता भएका छन् । आज बिहान म्यानमारबाट २६ जना नेपाली स्वदेश आएका हुन् ।
विमानस्थल कार्यालयका अनुसार आज विहान पौने ११ बजे म्यानमार एयरफोर्सको जहाज नेपाली ल्याएर आएको हो ।
म्यानमारले सरकार आफ्नै खर्चमा यी नेपाली ल्याइदिएको हो ।
म्यानमारबाट त्रिभुवन अन्तर्राष्ट्रिय विमानस्थल ओर्लेका नेपालीहरुलाई बसुन्धारस्थित पार्टी प्यालेसको होल्डिङ सेन्टरमा लगिएको छ ।
होल्डिङ सेन्टरमा राखिएपछि उनीहरुलाई तोकिएको क्वारेन्टिनमा लगिनेछ ।
त्यसका लागि त्रिभुवन अन्तराष्टिय विमानस्थलबाट नेपाली सेनाको टोलीले व्यवस्थापन गर्नेछ ।
आजै युएईबाट नेपालीहरू नेपाल आउँदैछन् ।
सूचना विभाग दर्ता नंः १८२३/०७६-७७