५ बैशख, काठमाडौं । राष्ट्रपति कार्यालय शीतल निवासले कोभिड–१९ रोकथाम तथा नियन्त्रण कोषमा ९ करोड ५० लाख रुपैयाँ जम्मा गरेको छ ।
आज शुक्रवार राष्ट्रपति कार्यालयले कोरोना रोकथाम तथा नियन्त्रणका लागि सरकारले खडा गरेको संघीय संचित कोषमा ९ करोड ५० लाख रुपैँया जम्मा गरेको हो ।
कोरोना भाइरसको कारण विशेष परिस्थिति उत्पन्न भएकाले चालू आर्थिक वर्ष २०७६/७७ को विभिन्न शीर्षक अन्तर्गतको बजेटबाट सो रकम उपलब्ध गराईएको राष्ट्रपति कार्यालयका सहायक प्रवक्ता केशव प्रसाद घिमिरेले जानकारी दिनुभयो ।
सो बजेट सरकारको संघीय संचित कोषमा जम्मा हुने व्यवस्था गरिएको राष्ट्रपति कार्यालयले जनाएको छ ।
यसअघि राष्ट्रपति विद्यादेवी भण्डारीले कोरोनाभाइरस संक्रमण रोकथाम, नियन्त्रण तथा उपचार कोषमा दुई महिनाको पारिश्रमिक दिने घोषणा गरिसक्नुभएको छ ।
हाल सम्म नेपालमा कोभिड १९ बाट १६ जना संक्रमित भइसकेका छन् ।
सूचना विभाग दर्ता नंः १८२३/०७६-७७