१० भाद्र, काठमाण्डौँ । राष्ट्रपतिका सुरक्षा सल्लाहकार सेनाका अवकाशप्राप्त तीनतारे जर्नेल नेत्रबहादुर थापाले शितल निवासबाट पनि अवकाश पाउनु भएको छ ।
थापाको अवकाशपछि रिक्त पदमा यहि भाद्र १५ गते अवकाश हुन लागेका दुई तारे जर्नेल राजेन्द्र कार्कीलाई लैजाने तयारी रहेको छ ।
म्याद र लेफ्टिनेन्ट जर्नेलको एउटा दरवन्दी नथपिने भएपछि कार्कीको अवकाश पक्का भएको हो । यसअघि एकतारे हुँदा उहाँ एक बर्ष शीतल निवासमा समेत खटिएर लुम्बिनी जानुभएको थियो ।
पहिले पनि खटिएको नाताले अब अवकाशपछि उहाँलाई नै राष्ट्रपतिको सल्लाहकार बनाउन उपयुक्त हुने निश्कर्ष जङ्गी अड्डाले निकालेको बताइएको छ ।
मेजर जर्नेल रघु भण्डारीले पनि आगामी कार्तिकमा अवकाश पाउनुहुँदैछ । उहाँलाई युनिफर्म लगाएरै राष्ट्रिय सेवा दलको जिम्मा लगाउने तयारी छ । सेवा दलबाट साँठी बर्ष लागेर रमिन्द्र क्षेत्रले अवकाश पाउनुभएको छ ।
हालका प्रधान सेनापतिको गुड बुकमा अनन्त कार्की र प्रेम शाहीको पनि नाम छ ।
उता, सेनापतिका सैनिक सचिव विनयबिक्रम राणालाई पश्चिम पृतना पोखराको पृतनापति वा खरिद हेर्ने बिभाग सम्भारको रथी बनाइने सम्भावना बढेको छ ।
यसअघि रघु भण्डारीलाई पनि पृतनापतिमा नखटाई सम्भारमा राखिएको थियो ।
सम्भारमा राखेपछि हाकिमलाई सेनाको ठूलो परिमाणको खरिदमा प्रत्यक्ष संलग्न हुने अवसर मिल्छ ।
त्यसैगरी प्रेम शाहीले दुई तारे पाउनसाथ सेनापति पछिको शक्तिशाली अपरेसन बिभाग डिजिएमओ सम्हाल्ने मौका पाउनुभएको थियो ।
सूचना विभाग दर्ता नंः १८२३/०७६-७७