१० भाद्र, काठमाण्डौँ । नेपाल विद्युत प्राधिकरणको कार्यकारी निर्देशकमा कुलमान घिसिङले निरन्तरता पाउँने सम्भावना न्यून रहेको स्रोतले बताएको छ ।
घिसिङको पछिल्लो कार्यशैलीप्रति प्रधानमन्त्री केपी शर्मा ओली र ऊर्जामन्त्री वर्षमान पुन स्वयम नै असन्तुष्ट रहेको स्रोत बताउँछ ।
उच्च स्रोतका अनुसार घिसिङ काम भन्दा बढी हल्लामा रमाउन थालेको भन्दै प्रधानमन्त्री ओली र ऊर्जामन्त्री पुन दुवै असन्तुष्ट हुनुहुन्छ । उहाँ लोकप्रीयतामा रमाउने क्रममा कामहरु राम्ररी अगाडि बढ्न नसकेको विषयमा बालुवाटारमा समेत छलफल भएको बताईएको छ ।
पछिल्लो समय घिसिङले सामाजिक सञ्जालमार्फत आफ्नो पुनः नियुक्तिका लागि दबाब बढाउने गरी रणनीति चालेको रिपोर्ट बालुवाटारमा पुगेको छ ।
सूचना विभाग दर्ता नंः १८२३/०७६-७७