११ जेष्ट, सुनसरी । सुनसरीको कोशी गाउँपालिकाको क्वारेन्टाइनमा बसेका २० जनालाई घर पठाईएकोे छ ।
कोशी गाउँपालिका–५ स्थित मदरसा दारुल होदा अल सल्फियाको क्वारेन्टाइनमा बसेका उनिहरुको कोरोना परिक्षणमा रिपोर्ट नेगेटि आएपछि घर पठाईएको हो ।
क्वारेन्टाइनमा बसेका मध्ये २० जनाको पिसिआर परीक्षण गर्दा नेगेटिभ रिपोर्ट आएको थियो । अन्य २७ जनाको पिसीआर परीक्षणको रिपोर्ट आउन बाकि रहेको वडाध्यक्ष साहजमालले बताउनुभयो ।
सो क्वारेन्टाइनमा कुल ४७ जनालाई राखिएको थियो । जसमध्ये २० जना घर फर्केका हुन भने बाँकी २७ जना अझै क्वारेन्टाइनमै बसेका छन ।
उता सुनसरीको विभिन्न स्थानमा कोरोना सक्रमित बढ्दै गएकोले गढी गाउँ कार्यपालिकाको बैठकले थप क्वारेन्टाइन राख्ने निर्णय गरेको छ ।
गाउँपालिकाबाट बाहिर गएकाहरुलाई राख्नका लागि व्यवस्थित क्वारेन्टाईन राख्ने अध्यक्ष श्रीप्रसाद यादवले बताउनुभयो ।
सूचना विभाग दर्ता नंः १८२३/०७६-७७